“ஒரு வயதான பாட்டி கிழிந்த புடவை தைக்க ஊசி இல்லாமல் பாறை மீது உட்கார்ந்து கடப்பாரையை பாறையில் தேய்த்து ஊசியாக்க முயற்சி செய்தாராம்” இதை எனது சீன நண்பர், ‘முயற்சி’ குறித்து அடிக்கடி என்னிடம் சொல்லுவார்.
தற்போதைய காலகட்டத்தில் பொருட்கள் உபயோகப்பாளர்களுக்கு கிடைப்பதில் பல்வேறு மாற்றங்களை காண முடிகின்றது. ஒரு சமயத்தில் தேவைக்கும் அதிகமாக பொருட்கள் கிடைக்கும் சூழ்நிலை. மற்றொரு சமயத்தில் தட்டுப்பாடான சூழ்நிலை. இந்த மாதிரி வேறுபட்ட சூழ்நிலைகளுக்கு பல்வேறு காரணிகள் மூலமாக இருக்கின்றது.
பொறியியல் பட்டம் பெற்று, பிரபல ஐடி நிறுவனத்தில் பணிபுரிபவர் சென்னையைச் சேர்ந்த பவித்ரா. பணிக்குச் செல்லும் நேரம் போக, மீதி நேரத்தில் இவர் செய்யும் பிசினஸ் ‘பேங்கிள் பஸ்’ (bangle buzz). ஆடைக்குப் பொருத்தமாக வளையல்களை வடிவமைத்துக் கொடுக்கும் தொழில். பலவித வண்ணங்களில், கண்கவர் வடிவங்களில் இவர் வடிவமைக்கும் ‘கஸ்டமைஸ்டு’ வளையல்கள் பார்க்கவே மிக அழகாக இருக்கின்றன.
கொரோனா தொற்று வந்தவர்கள் உயிர் பிழைக்க மிகவும் அவசியம் வெண்டிலேட்டர். காரணம் இந்த கிருமிகள் சுவாசக் குழாயில் சென்று அந்த நோயாளியை மூச்சு விட சிரமமாக்கி விடுகிறது. இதனால் அவர் குணமடையும் வரை அந்த நோயாளிக்கு வெண்டிலேட்டரின் உதவி மிகவும் அவசியம். மருத்துவமனைகள் வைத்திருக்கும் வெண்டிலேட்டர்கள் லட்சக்கணக்கில் (சுமார் 600,000 ரூபாய்) விலையாக இருப்பதாலும், பற்றாக்குறையாக இருப்பதாலும் நோயாளிகளுக்கு தற்போதைய முக்கிய தேவையான வெண்டிலேட்டர்களை தயாரிக்க உடனடியாக களம் இறங்கியிருப்பவை சில ஸ்டார்ட் அப் கம்பெனிகள்.
ஆப்பிள், அது பழமாக அல்லது தகவல் தொழில்நுட்ப நிறுவனமாக எப்படி இருந்தாலும் ஆதாம், ஏவாள் காலத்திலிருந்து அதற்கென்று ஒரு வரலாறு உண்டு.
காரைக்குடியில் ‘தரமான, சுவையான உணவகம் என்றால் நினைவுக்கு வருவது ‘காரைக்குடி அன்னலெக்ஷ்மி’ தான். ஆரம்பித்த நாளில் இருந்து இன்று வரை உணவு வகைகள் காலத்துக்கேற்ப மாறியதே தவிர, சுவை, தரம், தூய்மை எதுவுமே மாறாமல் 20 ஆண்டுகளாக நிர்வகிக்கும் அந்தப் பெருமைக்குரியவர் காரைக்குடியைச் சேர்ந்த நா. நாராயணன்.
அதிகம் பயணிக்காத சாலையில் பயணிக்க யாருக்கேனும் ஆசைவருமா? பெரும்பாலும் வருவதில்லை. ரிஸ்க் எடுக்க விரும்பாததால் `நமக்கேன் வம்பு’ என நினைத்து அனைவரும் செல்லும் பாதையிலேயே நாமும் பயணிக்கவிரும்புவோம். ஆனால் அதில் விதிவிலக்காக இருந்தவர்
சில ஆண்டுகளுக்கு முன் தூர்தர்ஷன் பொதிகை சானலில் சக்கைபோடு போட்ட நிகழ்ச்சி, இயற்கை அழகுக் கலைஞர் ராஜம் முரளியின் அழகுக் குறிப்புகள் நிகழ்ச்சி. வீட்டில் இருக்கும் பொருட்களையும் எளிதில் கிடைக்கும் மூலிகைகளையும் கொண்டே பெண்கள் தங்களை எப்படி அழகாக வைத்துக் கொள்ளலாம் என்பதை ‘டெமோ’வுடன் விளக்கி புகழ்பெற்றவர் ராஜம் முரளி. அவள் விகடன், குங்குமம், மங்கையர் மலர் போன்ற பல முன்னணி பத்திரிகைகளிலும் அழகுக் கலை குறித்த பல தொடர்களை எழுதியவர்.
தன் தயாரிப்புகளை சந்தைப்படுத்துவதற்கென்று ராஜம் முரளி தொடங்கிய நிறுவனம்தான் சென்னை சைதாப்பேட்டையில் இருக்கும் ஆர்.எம். ஹெர்பல்ஸ். ‘வேதாஸ்’ என்ற பிராண்டில் சருமப் பராமரிப்பு, கேசப் பராமரிப்பு மற்றும் முழு உடல் பராமரிப்புக்கான இயற்கை அழகு சாதனங்களை சுத்தமான முறையில் தயாரித்து விற்பனை செய்கின்றது இவருடைய நிறுவனம். அழகுப் பொருட்கள் தவிர, ஆரோக்கியத்தைப் பேணும் (ஹெர்பல் ஹெல்த் டீ, ஆர்த்தோ ஆயில் போன்ற) சில பொருட்களையும் தயாரிக்கின்றனர்.
‘‘இந்த மாதிரி ஒரு பிசினஸ் ஆரம்பிக்கும் ஐடியா எப்படி வந்தது?’’
‘‘25 வருஷங்களுக்கு முன்னால் அழகுக் கலை குறித்த டிப்ளமா படிப்பை முடிச்சிட்டு, என்னுடைய சொந்தத் தயாரிப்பாக ஹென்னா பேஸ்ட், கேசத்துக்கான எண்ணெய், ஃபேஷியல் பவுடர், ஸ்கிரப், தேவையற்ற ரோமத்தை நீக்கும் ‘ஹேர் வீக்கனிங் பவுடர்’ எல்லாம் தயாரிச்சு, கேக்கிறவங்களுக்கு மட்டும் கொடுத்துக்கிட்டிருந்தேன். இதில் ‘ஹேர் வீக்கனிங் பவுடர்’தான் ரொம்ப ஸ்பெஷல்.. இதுவரையிலும் என்னைத் தவிர, வேறு எந்த ஹெர்பல் புராடக்ட்ஸ் தயாரிப்பாளரும் அந்த மாதிரி பவுடர் தயாரிக்கவில்லை. சைதாப்பேட்டையில் சின்னதாக அரவை மெஷின் போட்டு, பொடிகளை அரைக்கிறது, மூலிகை எண்ணெய் காய்ச்சுறதுன்னு செய்துட்டிருந்தேன்.. அமெரிக்காவில் இருக்கும் என் மகள்தான், என்னுடைய தயாரிப்புகளுக்கு உள்ளூரிலும் வெளிநாட்டிலும் நல்ல வரவேற்பு இருப்பதைச் சுட்டிக்காட்டி, அதை ஒரு நிறுவனமாக மாற்றுவதற்கு ஊக்கம் கொடுத்தாள். அதன் பிறகுதான் 2010ல் ‘ஆர்.எம்.ஹெர்பல்ஸ்’ என்ற நிறுவனம் தொடங்கினேன்’’ என்கிறார் ராஜம் முரளி.
கிண்ணி தொழிற்பேட்டையில் இவருடைய அரவை தொழிற்சாலை இருக்கிறது. அரைத்து, சலித்து, எண்ணெய் காய்ச்சி, பேக்கிங் செய்யவென 16 ஊழியர்கள் பணியாற்றுகின்றனர். இந்த நிறுவனத்தில் எந்நேரமும் சந்தனமும் மஞ்சளும் வெட்டிவேரும் மணக்கின்றன. சந்தனம், மஞ்சள், மருதாணி, வெட்டிவேர், நன்னாரி, அவுரி, கரிசலாங்கண்ணி, ஆவாரம்பூ, பூலாங்கிழங்கு என நம் வீட்டிலும், வெளியிலும் கிடைக்கக் கூடிய முலிகைகளைக் கொண்டே இவர் தயாரிக்கும் பொடிகள் மற்றும் எண்ணெய்களுக்கு ஆயிரக்கணக்கான வாடிக்கையாளர்கள் இருக்கின்றனர். வெளிநாட்டில் உள்ளவர்களும் ஆர்டர் செய்து வாங்குகின்றனர்.
‘‘எங்களுடையது நிலையான தரம் உடைய தயாரிப்புகள். யாருக்காகவும் மாற்றுவது இல்லை. ஆனால் சமீபகாலமாக சென்னையில் உள்ள நட்சத்திர ஹோட்டல்களில் இருக்கும் ஆயுர்வேதிக் ஸ்பாக்களில் எனது தயாரிப்புகளைப் பயன்படுத்த ஆரம்பிச்சிருக்காங்க. அவங்களுக்கு, அவங்க வாடிக்கையாளர்களின் தேவைக்கேற்ப ‘கஸ்டமைஸ்டு புராடக்ட்ஸ்’ செய்து அனுப்புறேன். உதாரணமாக, கிறிஸ்துமஸ் சீஸன் என்றால் கொரியன் போன்ற அயல்நாட்டுக்காரர்கள் அதிகம் வருவதால் அவங்க சருமத்துக்கு ஏத்த மாதிரி மூலிகை எண்ணெய்கள் மற்றும் பொடிகளின் மூலப்பொருட்களின் விகிதத்தைக் கொஞ்சம் மாற்றித் தயாரிப்போம். இதனால் ரெகுலரா எங்ககிட்ட வாங்குறாங்க’’ என்று கூறும் ராஜம் முரளி, பொதிகை சேனலில் 185 வாரங்கள் நிகழ்ச்சி நடத்தியவர்.
அது தவிர, அழகுக்கலை குறித்த கருத்தரங்குகள், பயிற்சிப் பட்டறைகள் (வொர்க் ஷாப்) மற்றும் வகுப்புகளும் நடத்துகிறார். இதுவரையில் 630 பேர் இவரிடம் பயின்று சான்றிதழ் பெற்றுள்ளனர்.
‘‘அவர்களுள் 55 வயசுக்கு மேற்படட் பெண்கள் கூட உண்டு. எல்லோருமே வீட்டில் சும்மா இருக்காமல் இது போல பயனுள்ள ஒரு சிறுதொழில் ஆரம்பித்து வெற்றிகரமாக நடத்தணும் என்பதுதான் என்னுடைய குறிக்கோள். நான் இந்தத் துறைக்கு வந்து 25 ஆண்டுகள் ஆகுது. விரைவில் அரசு உதவியுடன் பெண்களுக்கு மூலிகை அழகுப் பொருட்கள் தயாரிக்கும் பயிற்சியைக் கொடுக்கணும் என்பது என் விருப்பம்’’ என்கிறார் ராஜம் முரளி.
பலதரப்பட்ட சருமங்களுக்கு ஏற்ற மூலிகை தயாரிப்புகளைக் கண்டறிதல் மற்றும் மேம்படுத்துதல் என்னும் தலைப்பில் பி.எச்டி. முடித்துள்ள இவர், அழகுக் குறிப்புகள் மற்றும் தயாரிப்புகள் சம்பந்தமாக 7 புத்தகங்களும் எழுதியுள்ளார். அவற்றை ஆங்கிலத்தில் மொழிபெயர்க்கும் முயற்சியில் தற்போது ஈடுபட்டுள்ளார்.
‘‘துவக்கத்தில் பியூட்டி பார்லர் உரிமையாளர்கள் சிலர் என் மீது கோபப்பட்டனர். நான் அவங்களுக்குப் போட்டியே இல்லை என்பதை அவர்கள் புரிஞ்சுக்கல. அவங்க செய்றது மேக்கப். அது ஒரு கலை. நான் செய்வது இயற்கையிலேயே அழகுபடுத்திக்கொள்ளும் கலை. ரெண்டுமே வேறு வேறு.
இப்போதும் மார்க்கெட்டில் மிகப் பெரிய பிராண்டுகளின் ஹெர்பல் புராடக்ட்ஸ் எல்லாம் கிடைக்குது. ஆனாலும் என் தயாரிப்புகளை வாங்கி உபயோகப்படுத்தி பயனடைந்த வாடிக்கையாளர்கள் எப்போதும் தொடர்ந்து வாங்குவாங்க என்பதில் நான் உறுதியாக இருக்கேன். காரணம் வீட்டில் செய்றது போல பார்த்துப் பார்த்து தயாரிப்புகளின் தரத்தைப் பரிசோதிச்ச பிறகுதான் சந்தைக்கு அனுப்புறேன். அரசு வேளாண்மைக் கல்லூரிகள் தரும் முகவரிகள் மற்றும் எனக்குத் தெரிந்த ஆர்கானிக் விவசாயிகளிடம்தான் மூலப் பொருட்களைக் கொள்முதல் செய்றேன். அதனால் தரத்துக்கு எப்போதும் நான் கேரன்டி!’’ என்று கட்டைவிரல் உயர்த்தி ‘தம்ஸ் அப்’ காட்டிச் சிரிக்கிறார் அறுபதுகளைக் கடந்த இந்த அழகி.
அந்தக் காலத்தில் தரையில் படுத்து உறங்கினோம், தரையில் உட்கார்ந்து சாப்பிட்டோம், தரையில் உட்கார்ந்து பள்ளிகளில் பாடம் படித்தோம். இப்படி சொல்லிக் கொண்டே போகலாம். இதனால் உடல் நலமாக இருந்தது. மூட்டுகள் பலமாக இருந்தன. டாக்டர்களிடம் அதிகம் சென்றதில்லை. அதனால் பர்சும் கனமாகவே இருந்தது. சேமிப்பும், உடல் நலமும் கூடியது. தைக்கால், பத்தமடை என்ற ஊர்கள் பாய் விற்பனைக்கு பலம் சேர்த்தன. காலங்கள் மாறின, வருடங்கள் ஓடின. பாய்கள் சுருட்டி பரணில் வைக்கப்பட்டன. அப்போதெல்லாம் கட்டில், பீரோ செய்ய வேண்டுமென்றாலும் கூட நம் வீட்டுக்கென ஒரு ஆசாரி இருப்பார். அவர் நம் வீட்டிற்கே வந்து பல நாட்கள் தங்கி மரங்களை இழைத்து, இழைத்து செய்து தருவார். அவையும் பல காலம் உழைக்கும்.
முன்பெல்லாம் சிலரின் வீடுகளில் மட்டுமே இருந்த கட்டில், பீரோ, மெத்தைகள், வார்ட் ரோப், டேபிள், சேர் ஆகியவை, இன்று இல்லாத வீடே இல்லை என்ற அளவிற்கு வந்து விட்டது. பல ஆர்கனைஸ்டு பர்னீச்சர் கம்பெனிகள் பின்னர் வந்தன. இவற்றில் பல காணாமலும் போயின.
இந்த துறையின் தற்போதைய மார்க்கெட் மதிப்பு 16 பில்லியன் டாலர் (112,000 கோடி ரூபாய்கள்) ஆகும். இன்னும் 5 வருடத்தில் இது 25 பில்லியன் டாலர் (175,000 கோடி ரூபாய்) மதிப்புள்ளதாக அதிகரிக்க உள்ளது. இந்தத் துறையில் அன் ஆர்கனைஸ்ட் (UNORGANISED) லோக்கல் கம்பெனிகள் தாம் பெரிய இடத்தை பிடித்துள்ளன. அதாவது தற்போது சுமார் 95 சதவீதம் வரை இருக்கின்றன. இது இன்னும் 5 வருடத்தில் 90 சதவீதமாக குறையும்.
இதிலிருந்து இந்த துறையில் ஒரு பெரிய பிசினஸ் ஆப்பர்சூனிட்டி இருக்கிறது என்று உங்களுக்கு புரியவில்லையா? ஆனால் இன்று பல பெரிய கம்பெனிகளுக்கு புரிந்திருக்கிறது.
ஆமாம், தடதடவென பல பெரிய கம்பெனிகள் ரெடிமேட் பர்னீச்சர் விற்பனையில் களம் இறங்கியுள்ளன. இந்த நிறுவனங்கள் விலை உயர்ந்த பர்மா தேக்கு, ரோஸ் வுட் ஆகியவற்றில் எல்லாம் பர்னீச்சர் செய்வதில்லை. ப்ளைவுட் அல்லது விலை குறைந்த ரப்பர் வுட் ஆகியவற்றிலிருந்து பர்னீச்சர்களை தயாரித்து குறைந்த விலையில் அளிக்கின்றன.
இப்போது பர்னீச்சர் வாங்குபவர்களும், இளைஞர்களும் அவை ஐந்து வருடம் உழைத்தால் போதும் என்ற எண்ணத்தில்தான் வாங்குகின்றனர். காரணம் புதிது, புதிதாக மாற்றிக் கொண்டிருப்பதில் அவர்களுக்கு ஒரு மகிழ்ச்சி.
இந்த மார்க்கெட் மதிப்பு தெரிந்துதான் உலகத்தின் பெரிய பர்னீச்சர் ரீடெய்லரான ஐக்கியா (IKEA) இந்தியாவில் களம் இறங்கியிருக்கிறது. ஹைதராபாத்தில் ஒரு மிகப்பெரிய ஷோ ரூமை 400,000 சதுர அடியில் திறந்துள்ளது.
பிளிப்கார்ட், தங்களுக்கென பர்பெக்ட் ஹோம் ஸ்டூடியோ (PERFECT HOME STUDIO) என்ற கம்பெனியை ஆரம்பித்திருக்கிறது. பிடிலைட் (பெவிகால் தயாரிக்கும் கம்பெனி) பெப்பர் ப்ரை என்ற பர்னீச்சர் விற்பனை கம்பெனியில் முதலீடு செய்திருக்கிறது. ரிலையன்ஸ் இன்னும் களத்தில் இறங்கவில்லை.
பெரிய ஜாம்பவான்களான ரிலையன்ஸ் ரீடெய்ல், பிக் பஜார், டி-மார்ட், அமேசான், பிளிப்கார்ட் போன்ற கம்பெனிகள் வந்ததிலிருந்து சிறிய கடைகள் அவர்களிடம் போட்டி போட வேண்டிய ஒரு சூழ்நிலை
