எந்த ஒரு வணிகத்திலும் கூட்டாண்மை என்று சொல்லக்கூடிய பார்ட்னர்ஷிப் மூலம் நிறுவனங்கள் முதலீடு, மனித வளங்கள் போன்றவற்றைத் திரட்டுவது மட்டுமல்லாமல், தனிப்பட்ட முறையில் அடைவதற்கு எட்டாக்கனியாக இருக்கும் இலக்குகளையும் அடையலாம்.
பொறியியல் பட்டம் பெற்று, பிரபல ஐடி நிறுவனத்தில் பணிபுரிபவர் சென்னையைச் சேர்ந்த பவித்ரா. பணிக்குச் செல்லும் நேரம் போக, மீதி நேரத்தில் இவர் செய்யும் பிசினஸ் ‘பேங்கிள் பஸ்’ (bangle buzz). ஆடைக்குப் பொருத்தமாக வளையல்களை வடிவமைத்துக் கொடுக்கும் தொழில். பலவித வண்ணங்களில், கண்கவர் வடிவங்களில் இவர் வடிவமைக்கும் ‘கஸ்டமைஸ்டு’ வளையல்கள் பார்க்கவே மிக அழகாக இருக்கின்றன.