பெரும்பாலான தொழில்முனைவோர் தங்களின் ஸ்டார்ட் அப் கனவுகளை நனவாக்க பெரிய அளவில் பணம் முதலீடு செய்ய வேண்டும் அல்லது கடன் வாங்க வேண்டும் என்று நினைக்கிறார்கள்.  என்னதான் நீங்கள் பெரும் பணக்காரராக இருந்தாலும் ஒரு தொழிலை தொடங்க சிறிய அளவில் முதலீடு செய்வதுதான்  புத்திசாலித்தனம். தொடக்கத்தில் சேமிப்பதற்கும் செலவழிப்பதற்கும் பல வழிகள் உள்ளன. ஒரு வியாபாரத்தில், நிலையான (Fixed)  செலவு மற்றும் மாறுபடும் (variable) செலவு என  இரண்டு வகை செலவுகள் உள்ளன.  மாறுபடும் செலவை குறைப்பது கடினம். எனவே, கட்டிட வாடகை, இயந்திரங்கள் வாங்குவது, போன்ற நிலையான செலவுகளை குறைப்பதற்கான வழிமுறைகளை தேட வேண்டும் .