இந்திய நாகரீகத்தை முன்னேற்றுவதிலும் , இந்தியாவை வர்த்தக மற்றும் பொருளாதார ரீதியாக உயர்த்துவதற்கும் மார்வாரி நிறுவனங்களால் ஆற்றப்பட்ட தெளிவான ஆற்றல் மிக்க சிறப்பான பங்கு மிகவும் குறிப்பிடத்தக்கது. பூகோள ரீதியாக வட மாநிலமான கிழக்கு ராஜஸ்தானில் “மார்வார்” என்ற பகுதியைச் சேர்ந்தவர்கள் மார்வாரிகள். 19ம் நூற்றாண்டில் கொஞ்சம் கொஞ்சமாக பஞ்சாப் ,உத்தரப் பிரதேசம், வங்காளம் ,மகாராஷ்டிரா, மத்திய பிரதேசம், கர்நாடகா என இவர்கள் இல்லாத மாநிலமே இல்லை என்று சொல்லும் அளவிற்கு எங்கும் வியாபித்து இருக்கிறார்கள். நம்மூரில் செல்லமாக
பல உணவகங்கள் மேலே உள்ள கம்பெனிகளின் செயலிகளில் தங்களை பதிவு செய்து கொண்டு தங்களது விற்பனைகளை கூட்டிக் கொண்டிருக்கிறார்கள். இந்த நிலையில் தோன்றிய ஒரு புதிய முயற்சிதான் “கிளவுட் கிச்சன்” (Cloud Kitchen). இதில் நீங்கள் போய் உட்கார்ந்து சாப்பிட முடியாது, ஆர்டர் மட்டுமே பண்ண முடியும்.
இந்தியாவில் இருக்கும் நடுத்தர, சிறிய மற்றும் குறு தொழில் நிறுவனங்களுக்கு உள்ள முக்கிய பிரச்சினையே நிதி ஆதாரம் தான். பல சமயங்களில் வங்கிகள் கடன் கொடுக்க முன் வந்தாலும் நடைமுறை தாமதங்களால் அவை சரியான சமயத்தில் கிடைக்காமல் போய் விடுகிறது. வங்கிகளுடைய தாமதத்தால் கிடைத்த ஆர்டரை சரியான சமயத்தில் செயல்படுத்தி கொடுக்க முடியாத நிலை பல கம்பெனிகளுக்கு இருக்கிறது. சில சமயங்களில் ஆர்டர்களை எப்படியாவது செய்து முடிக்க வேண்டும் என்ற கட்டாயத்தால்
இந்தியாவிற்கு அடுத்தபடியாக இந்திய மக்கள் அதிகம் உள்ளது ஐக்கிய அரபு நாடுகள் தான். அங்கிருக்கும் இந்திய மக்களை குறிவைத்து எப்படி விற்பனை செய்வது என்று பலரும் ரூம் போட்டு யோசித்துக் கொண்டிருக்கும் போது, அமேசான் இந்தியா ஐக்கிய அரபு நாடுகளில் இருக்கும் இந்திய மக்களுக்கு ஆன்லைன் மூலமாகவே இந்தியாவிலிருந்து உங்கள் பொருட்களை விற்கும் வசதியை கொண்டுவந்துள்ளது. அப்படி நீங்கள் விற்கும் பொருட்கள் ஏற்றுமதி என்ற கணக்கில் எடுத்துக் கொள்ளப்படும்.
ஐக்கிய அரபு நாடுகளில் எதற்கு நல்ல வாய்ப்புகள் இருக்கிறது என்று பார்க்கும் போது தங்க ஆபரணங்கள், வைர ஆபரணங்கள், ஆடைகள், அழகு சாதனப் பொருட்கள், மளிகை சாமான்கள் ஆகியவற்றிர்க்கு நல்ல வரவேற்பு இருக்கிறது.
ஒரு முக்கியமான விஷயம் என்னவென்றால் அமேசான் யுஏஇ அங்கு முன்பு பிரபலமாக இருந்த சூக் (Souk) என்ற கம்பெனியை 2017 ஆம் வருடம் கையகப்படுத்தியுள்ளது. இதனால் பலலட்சக்கணக்கான வாடிக்கையாளர்கள் அமேசான் யூஏஇ க்கு அப்படியே மாறி இருந்தார்கள்.
வெளிநாடுகளில் வியாபாரம் மூலமாக அமேசான் இந்தியா தற்போது வருடத்திற்கு 7 ஆயிரம் கோடி ரூபாய் அளவிற்கு செய்து வருகிறது. இதை 35 ஆயிரம் கோடி ரூபாயாக கூட்டுவதற்கான முயற்சிகள் நடந்து வருகிறது.
ஐக்கிய அரபு நாடுகளில் இருக்கும் மக்களில் 4 சதவீத மக்கள் ஆன்லைன் மூலமாக வாங்குவதற்கு ஆர்வமாக இருக்கின்றனர். அங்கு 20 லட்சம் இந்தியர்கள் இருக்கிறார்கள். இது ஐக்கிய அரபு நாடுகளின் மொத்த மக்கள் தொகையில் 27 சதவீதம் ஆகும். கடந்த வருடம் ஐக்கிய அரபு நாடுகளுக்கு மட்டும் 31 பில்லியன் டாலர் அளவிற்கு, அதாவது 2 லட்சத்து 17 ஆயிரம் கோடி ரூபாய்க்கு ஏற்றுமதி நடைபெற்றிருக்கிறது.
தற்போது அமேசான் இந்தியா இந்தியாவிலிருந்து அமெரிக்கா, ஐரோப்பா, ஆஸ்திரேலியா ஆகிய நாடுகளுக்கு தங்கள் பொருட்களை விற்கலாம் என்று அனுமதி அளித்திருக்கிறது. இனி இதில் ஐக்கிய அரபு நாடுகளும் சேரும்.
இந்திய ஆடைகள் அங்கு இந்தியர்களாலும், அரபு நாட்டு மக்களாலும் விரும்பி வாங்கப் படுவதால் திருப்பூர் போன்ற ஊர்களில் இருக்கும் கம்பெனிகளுக்கு ஒரு பெரிய வாய்ப்பாக அமையும் என்பதில் சந்தேகமில்லை.
ஷாப்பிங் மால்களின் முக்கிய அம்சமே விண்டோ ஷாப்பிங்தான். அதாவது மாலுக்கு போய், அங்கிருக்கும் எல்லாவற்றையும் பார்க்கலாம், வாங்க வேண்டும் என்ற கட்டாயம் இல்லை. தரம் நன்றாகவும், விலை குறைவாகவும் டிஸ்கவுண்ட் அதிகமாகவும் யார் தருகிறார்களோ அங்கு பார்த்து வாங்கலாம்.
அது போல உங்களுக்கு கடன்கள் வாங்கும் போது முன் பின் தெரியாத ஒரு வங்கியில் அல்லது நிதி நிறுவனத்திடம் போய் விழ வேண்டாம். யார் குறைவான வட்டியில் தருகிறார்கள் என்று ஒப்பிட்டு பார்த்து விட்டு வாங்க பல இணையதளங்கள் வந்து விட்டன. அதில் முக்கியமான இணைய தளங்களில் ஒன்று “மை லோன் கேர்” (myloandcare.in).
மை லோன் கேர் என்ற கம்பெனி இந்தியாவின் பெரிய ஆன்லைன் மார்க்கெட் பிளேஸ் ஆகும்.
இந்த இணையதளத்தில் உங்களுக்கு என்ன லோன் தேவை என்று கூறிவிட்டால் உங்கள் தகுதிக்கு ஏற்ப எந்த வங்கி அல்லது நிதி நிறுவனம் உங்களுக்கு ஒத்து வரும் என்று கூறி அதிலிருந்து கடன்கள் வாங்க உதவி செய்கிறார்கள்.
புது வீட்டுக் கடன், வீட்டு அடமானக் கடன், வாகனக் கடன், கோல்டு லோன், பிசினஸ் லோன், கிரிடிட் கார்டு, பர்சனல் லோன் ஆகியவைகள் வாங்குவதற்கு இந்த இணையதளம் உதவி செய்கிறது.
இவர்களிடம் 20 லட்சம் பதிவு செய்த உபயோகிப்பாளர்கள் இருக்கிறார்கள். 25 வங்கிகளிடம் பார்ட்னர் பேங்க் அரேஞ்ச்மெண்ட் வைத்துள்ளார்கள். ஆன்லைன் மூலமாகத்தான் விண்ணபிக்க வேண்டும். இவர்கள் இந்தியாவில் 1100 ஊர்களில் உங்களுக்கு கடன்கள் கிடைக்க வழி வகை செய்கிறார்கள். நீங்கள் ஆன்லைனில் அப்ளை செய்த பிறகு நீங்கள் கடன் பெறத் தகுதியானவர் என்றால் அவர்கள் கம்பெனியிலிருந்து உங்களை கூப்பிட்டு வேறு தேவையான டாக்குமெண்ட்களை கேட்பார்கள்.
இதுவரை 30,000 பேருக்கு கடன்கள் வாங்க உதவியுள்ளார்கள்.
உங்களுக்கு லோன் தேவை இருக்கும் பட்சத்தில், இவர்களின் இணையதளத்தில் சென்று உங்களின் விபரங்களை பதிவு செய்ய வேண்டும். நீங்கள் கடன் வாங்க தகுதியானவரா என்று பார்ப்பார்கள். அப்படி தகுதி உங்களுக்கு இருக்கும் பட்சத்தில் அவர்கள் பார்டனர் வங்கிகள் மூலமாக கடன் பெற்று தர ஏற்பாடு செய்வார்கள்.இவர்களுடைய இணையதளம் www.myloancare.in
பேட்டி, கட்டுரையாளர் : அ. ஹுமாயூன், சிதம்பரம்.
பொதுவாக பல ஊர்கள்ல ஒரு லாபநோக்கமற்ற கூட்டம் நடத்த இடம் கிடைப்பது மிகவும் சிரமமாக இருக்கும். அதுவும் தொடக்கநிலை தொழில் முனைவோர் சந்திப்பு பெரும்பாலும் ஒரு ஹோட்டலிலோ அல்லது ஒரு பொது இடமான காபி ஷாப் மாதிரி இடங்களிலோ நடக்கும்போது அதிக மக்கள் கலந்துக்க யோசிக்கிறாங்க. மதுரைக்கும் இது விதிவிலக்கல்ல.
கம்யூனிட்டி என்பது கூட்டுறவு அமைப்பாக ( மதுரை ஸ்டார்ட் அப்ஸ் (Startups) கம்யூனிட்டி போல) மாதம் ஒருமுறை ஒரு கூட்டம் நடத்தி அதுல ஒருவருக்கொருவர் பரஸ்பரம் அனுபவத்தை பகிர்ந்து கொள்ளுவது தான். இது போல பல கூட்டங்கள் நடத்தப்பட்டுள்ளது. சில மாதங்களில் சந்திப்பு நடத்த இடம் கிடைப்பது பெரும் சிரமம் இருந்துள்ளது. இதனால் நமக்குன்னு ஒரு இடம் வேண்டும் என்று கோரிக்கை முறையில் உரிய இடம் ரெடி பண்ணவும், அந்த இடம் பெண்களும் தயக்கமின்றி வர கம்யூனிட்டி மெம்பர்களில் ஒருவரான லட்சுமி அவர் கணவரின் ஒரு தொழில்முனைவு முயற்சிக்காக சென்னையிலிருந்து, மதுரைக்கு இடம் பெயர்ந்தபோது பெங்களூர் மற்றும் சென்னையில் இருக்கிற மாதிரி மதுரையில் ஒரு ஏற்பாடு இல்லைன்னு ஏற்பட்ட ஏக்கத்தின் வடிகால் தான் “625001in”. தன்னோட வீட்டு் மாடியில் இருந்த உபரியான இடங்களை ஒரு பகிர் அலுவலகம் அல்லது இணை உழைப்பு இடம் (Co work space) ஆக மாற்றினார்.
இங்கு உங்களுக்கு அதிவேக இணையமும் (Hi-speed Internet), தொழில் முனைவோர் தொடர்பும் இருக்கும். அதுபோக தொடர்ச்சியாக சனி, ஞாயிறுகளில் சந்திப்பு நடக்கிறதனால நிறைய வர்த்தக தொடர்புகளை ஏற்படுத்திக் கொள்ளலாம். புதுசா ஒரு ஐடியாவை வச்சு தொழில் தொடங்க நினைத்திருப்பவர்களுக்கும், ப்ரீலான்ஸ்சர்கள் / கன்சல்டன்ட்கள், அடிக்கடி ட்ராவல் பண்றவங்க இவங்க எல்லாம் சந்தித்து பேசுவதற்கு மேலும் தற்காலிகமாக வேலை பாக்குறதுக்கு ஒரு பகிரப்பட்ட இடம்தான் இந்த “625001in” என்று பெயர் பெற்றிருக்கும் www.625001.in என்ற ஸ்டார்ட் அப்.
இது மதுரையில் ஒரு புதிய முயற்சி. இது நிறைய ஆதரவாளர்களின் பங்கேற்பால் தொடர்ச்சியாக கடந்த 5-6 வருடமாக மதுரையில் மாதாந்திர தொழில்முனைவோர் கூட்டத்தை நடத்திட்டு இருக்காங்க. சிறப்பு அழைப்பாளர்கள் ஏற்பாடு செஞ்சு மூன்று அல்லது ஆறு மாதத்திற்கு ஒருமுறை பெரியளவிலான நிகழ்வுகளை நடத்திட்டு இருக்காங்க.
கடந்த சில ஆண்டுகளாக ஸ்டார்ட்-அப் சுய தொழில் மோகம் இந்தியாவில் பரவலாக பரவிக்கொண்டு வருகிறது. வேலைத் தேடி அலுவலகம் ஏறி இறங்கிய காலம் மாறி சுய தொழில் செய்ய வாய்ப்புகளை வலைப்போட்டு பிடிக்கின்றனர் இன்றைய இளைஞர்கள். ஸ்டார்ட்-அப்கள் அதிகரிப்பதையே தனக்கு சாதகமாய் பயன்படுத்தி ஸ்டார்ட்-அப் நிறுவனங்களுக்கு குறைந்த விலையில் இடமளிக்க ஆரம்பிக்கப்பட்டது தான் www.625001.in.
பிரத்தியோகமாக ஸ்டார்ட்-அப்களுக்காக உருவாக்கப்பட்டுள்ளது இந்த நிறுவனம். இந்நிறுவனம் மூலம் தொழில் தொடங்கும் சிறு தொழில் முனைவோர்கள் குறைந்த முன்பணம் செலுத்தி குறைந்த வாடகை கொடுத்து நிரந்தரமான அலுவலகம் அமைக்காமல் பயன்பாட்டிற்கு ஏற்ற தொகையை செலுத்தி பயன்படுத்தலாம். ஒரு நாள், ஒரு வாரம், ஒரு மாதம் அல்லது ஏன் ஒரு மணி நேரத்திற்கு மட்டும் சந்திப்புகளை நடத்த / வேலைகளை செய்ய – WiFi மற்றும் மற்ற வசதிகளுடன் இடவசதியை அமைத்திருக்கிறது இந்த நிறுவனம்.
ப்ரொஜக்டர் வசதியுடன் கான்ஃபரன்ஸ் ஹால் எதிர்பார்க்கும் ஸ்டார்ட்-அப்களுக்கு அதையும் குறைந்தக் கட்டணத்தில் அளிக்கின்றனர்.
ஸ்டார்ட்-அப்கள் வளர்ந்து வரும் நிலையில் தனது தொழிலுக்கான வளர்ச்சியை தன்னால் பார்க்க முடிகிறது என்றும் மேலும் ரியல் எஸ்டேட் போல் மாறாமல், அதிக லாபம் எதிர்பார்க்காமல் சிறு தொழில் நிறுவனர்கள் அதிக பயனடையும் நோக்கிலே தனது நிறுவனம் செயல்படும் என நம்பிக்கை தொனிக்க 625001in நிறுவனர் தெரிவிக்கிறார்.
நாம் இருப்பது மில்லினியல்கள் அதிகமாக வாழும் காலம். ஆதலால் பழையன கழிதலுக்கு அதிகம் ஸ்டார்ட் அப் கள் ஆரம்பிக்கப்பட்டுள்ளதில் ஆச்சரியம் இல்லை. அந்த காலத்தில் ஒரு கட்டில் வாங்கினாலோ அல்லது ஒரு டேபிள் வாங்கினாலோ அது காலத்துக்கும் உழைக்குமா என்று பார்ப்பார்கள். பெரும்பாலும் ஆசாரி வீட்டிற்கு வந்து அந்த கட்டிலை அல்லது டேபிளை செய்து கொடுப்பார். ஆனால் இன்றைய தினத்தில் ஓடிக்கொண்டிருக்கும் உலகத்தில் யாருக்கும் எதற்கும் நேரமில்லை. குறிப்பாக இளைஞர்களுக்கு நேரமே இருப்பதில்லை. ஆதலால் எல்லாவற்றையும் “டூ மினிட்ஸ் நூடுல்ஸ்” போல உடனடியாக கடைக்கு சென்று வாங்க நினைக்கிறார்கள். அது 3 முதல் 5 வருடம் வரை உழைத்தால் போதும் என்று நினைக்கிறார்கள். ஏனெனில் 5 வருடம் கழிந்தால் புதிய மாடல் வந்து விடும், அதை வாங்க வேண்டும் என்ற எண்ணம் தான். இதனால் இவர்களை குறி வைத்து பல பழையன கழிதலுக்கு இணையதளங்கள் வந்துள்ளன. இதன் மூலம் பழைய பொருட்களை ஒருவர் விற்க முடியும். அதை வாங்கவும் ஒருவர் இருப்பார் என்பது தான் கால சக்கரம்.
இது போன்ற இணையதளங்கள், உபயோகப்படுத்தப்பட்ட மொபைல் போன் களிலிருந்து, கார்கள் வரை விற்கின்றன. ஒருவருக்கு உபயோகப்படாத பொருள் இன்னொருவருக்கு மிகவும் தேவைப்படும் பொருளாகவும் இருக்கலாம். இதை வைத்துதான் இந்த இணையதளங்கள் தங்கள் வாழ்க்கையை ஓட்டிக் கொண்டிருக்கின்றன.
இதற்கென ஆரம்பிக்கப்பட்டுள்ள சில ஸ்டார்ட் அப் இணையதளங்கள் சில பொருட்களில் மட்டுமே கவனம் செலுத்துகின்றன. சில இணையதளங்கள் சில ஊர்களில் மட்டுமே கவனம் செலுத்துகின்றன என்பதை நினைவில் வைக்க வேண்டும். கீழ்க் கண்ட இணையத்தளங்களுக்கு போய் பாருங்கள் :
வீட்டிலேயே பலர் நளபாகத்தில் சிறந்தவர்களாக இருப்பார்கள். என் நண்பனின் மனைவி வெங்காய சாம்பார், ரசம் வைத்தால் ஊருக்கே மணக்கும். அது போல அவர்கள் செய்யும் லட்டு மிகவும் சுவையாக இருக்கும். எப்போது அவர் வீட்டிற்கு சென்றாலும் இது தான் எனக்கு தேவையான மெனு.
ப்ளிப்கார்ட் இந்தியாவின் புகழ்பெற்ற ஆன்லைன் கம்பெனிகளில் ஒன்று. நாம் எல்லாருக்குமே ஒரு ஆதங்கம் எப்போதும் இருக்கும் நாம் பொருட்களின் விற்பனையை எவ்வாறு கூட்டுவது என்று. உங்களின் இந்த ஆதங்கத்தை போக்குவதற்கு ஆபத்பாந்தவனாக வருகிறது ப்ளிப்கார்ட்.
தமிழ்நாட்டில் புதிதாக தொழில்களில் ஈடுபட விரும்பும் முதல் தலைமுறை தொழில் முனைவோருக்கு உதவும் விதமாக New Entrepreneur -cum- Enterprise Development Scheme- – NEEDS (புதிய தொழில் முனைவோர் மற்றும் தொழில் நிறுவன மேம்பாட்டுத் திட்டம்) என்ற திட்டத்தை தமிழக அரசு 2012ம் வருடம் கொண்டுவந்துள்ளது
