சமீப காலமாக ஸ்பைருலினா என்ற நீல பச்சை நிற சுருள் பாசி மிகவும் பிரபலமடைந்து வருகிறது. காரணம் அதில் உள்ள பல வித மருத்துவப் பலன்களும், சக்தியும் தான்.
ரசாயனப் பொருட்கள் அடங்கிய குளிர்பானத்துக்கு மாற்றாக, தமிழர்களின் பாரம்பரிய பானங்களை ரசாயனக் கலப்பில்லாமல் பாட்டிலில் அடைத்து விற்பனை செய்யும் முயற்சியில் இறங்கி இருக்கிறார் சென்னையை சேர்ந்த
இந்திய நாகரீகத்தை முன்னேற்றுவதிலும் , இந்தியாவை வர்த்தக மற்றும் பொருளாதார ரீதியாக உயர்த்துவதற்கும் மார்வாரி நிறுவனங்களால் ஆற்றப்பட்ட தெளிவான ஆற்றல் மிக்க சிறப்பான பங்கு மிகவும் குறிப்பிடத்தக்கது. பூகோள ரீதியாக வட மாநிலமான கிழக்கு ராஜஸ்தானில் “மார்வார்” என்ற பகுதியைச் சேர்ந்தவர்கள் மார்வாரிகள். 19ம் நூற்றாண்டில் கொஞ்சம் கொஞ்சமாக பஞ்சாப் ,உத்தரப் பிரதேசம், வங்காளம் ,மகாராஷ்டிரா, மத்திய பிரதேசம், கர்நாடகா என இவர்கள் இல்லாத மாநிலமே இல்லை என்று சொல்லும் அளவிற்கு எங்கும் வியாபித்து இருக்கிறார்கள். நம்மூரில் செல்லமாக
பல உணவகங்கள் மேலே உள்ள கம்பெனிகளின் செயலிகளில் தங்களை பதிவு செய்து கொண்டு தங்களது விற்பனைகளை கூட்டிக் கொண்டிருக்கிறார்கள். இந்த நிலையில் தோன்றிய ஒரு புதிய முயற்சிதான் “கிளவுட் கிச்சன்” (Cloud Kitchen). இதில் நீங்கள் போய் உட்கார்ந்து சாப்பிட முடியாது, ஆர்டர் மட்டுமே பண்ண முடியும்.
பணம் முக்கியமானது, பணம் சுதந்திரம் தருகிறது, பணம் வாழ்க்கையை மிகவும் சுவாரஸ்யமாக்குகிறது. அந்த பணத்திற்காக நாங்கள் கடுமையாக உழைப்பது போலவே, எங்கள் பணமும் எங்களுக்காக கடுமையாக உழைக்க வேண்டும். அதற்கு என்ன செய்யலாம்….” என எண்ணி ஏங்குபவர்களுக்காக பெங்களூரில் ஸ்டார்ட் அப் நிறுவனமாக தொடங்கப்பட்டதுதான் “பர்ப்புள்பாத் வெல்த் மானேஜ்மென்ட் சொலூஷன்ஸ் பிரைவேட் லிமிடெட்” (PurplePath Wealth Management Solutions Private Limited).
இந்தியாவில் இருக்கும் நடுத்தர, சிறிய மற்றும் குறு தொழில் நிறுவனங்களுக்கு உள்ள முக்கிய பிரச்சினையே நிதி ஆதாரம் தான். பல சமயங்களில் வங்கிகள் கடன் கொடுக்க முன் வந்தாலும் நடைமுறை தாமதங்களால் அவை சரியான சமயத்தில் கிடைக்காமல் போய் விடுகிறது. வங்கிகளுடைய தாமதத்தால் கிடைத்த ஆர்டரை சரியான சமயத்தில் செயல்படுத்தி கொடுக்க முடியாத நிலை பல கம்பெனிகளுக்கு இருக்கிறது. சில சமயங்களில் ஆர்டர்களை எப்படியாவது செய்து முடிக்க வேண்டும் என்ற கட்டாயத்தால்
2000 வருஷத்தில் இந்தியாவில் நுழைந்த ஈ-காமர்ஸ் துறை இன்றைய தினத்தில் கொடி கட்டிப் பறக்கிறது. காரணம் மொபைல் உபயோகம், இந்தியாவின் மக்கள் தொகை. 2000 ம் வருஷத்தில் பாசி.காம் (baazee.com) என்ற வாங்குபவர், விற்பவர் இணையதளம் ஆரம்பிக்கப்பட்ட போது பலர் இணையம் மூலமாக யாராவது பொருட்கள் வாங்குவார்களா? என்ற பெரிய கேள்வியை எழுப்பினார்கள். பின்னர் 2004ம் ஆண்டு இந்த இணையதளத்தை ஈபே நிறுவனம் 55 பில்லியன் டாலர் (இன்றைய மதிப்பில் ரூபாய் 385 கோடி) கொடுத்து வாங்கி தன்னகப்படுத்திக் கொண்டது.
2007ம் வருடம் அமேசான் நிறுவனத்தில் வேலை பார்த்த இரண்டு இளைஞர்கள் சச்சின் பன்சால், சஞ்சய் பன்சால் அவர்களுடைய அமேசான் அனுபவத்தை வைத்து பிளிப்கார்ட் நிறுவனத்தை ஒரு கார் ஷெட்டில் ஆரம்பித்தார்கள். அன்றைய தினத்தில் புத்தகங்களை மட்டும் ஆன்லைனில் விற்கும் நோக்கில் ஆரம்பிக்கப்பட்ட கம்பெனியாகும். ஆனால் இன்றைய தினத்தில் பிளிப்கார்ட் மூலம் விற்காத பொருட்களே இல்லை என்ற அளவிற்கு வந்து நிற்கிறது. கடந்த வருடம் பிளிப்கார்ட் தனது நிறுவனத்தை வால்மார்ட் நிறுவனத்திற்கு 16 பில்லியன் டாலருக்கு (இன்றைய மதிப்பில் 102,000 கோடி ரூபாய்களுக்கு) விற்று இருக்கிறது.
2007க்கு பிறகு பல வெற்றிகரமான டிராவல்ஸ், கல்யாண புரோகர், வாங்குபவர் விற்பவர் இணையதளங்கள் ஆகியவை வந்து இன்றைய தினமும் அவை சக்கைப் போடு போட்டுக் கொண்டிருக்கின்றன. ஐஆர்சிடிசி, மேக்மை டிரிப், யாத்ரா, கிளியர்டிரிப், ஓயோ, பாலிசி பஜார், பாங்க் பஜார், ரெண்ட்மோஜோ போன்ற நூற்றுக்கணக்கான ஏன் ஆயிரக்கணக்கான இணையதளங்கள் வந்தன.
இந்த ஈ காமர்ஸ் துறை 2021ம் வருடம் 5.88 லட்சம் கோடி ரூபாய்க்கு வர்த்தகமாகும் துறையாக இருக்கும் என கணிக்கப்பட்டிருக்கிறது. அதே சமயத்தில் ரீடெய்ல் துறையில் வர்த்தகம் 84 லட்சம் கோடிகளுக்கு நடக்கும் என கணிக்கப்பட்டிருக்கிறது.
இந்த துறையின் அபரிதமான வளர்ச்சியை மனதில் கொண்டு ரிலையன்ஸ் நிறுவனமும், பிளிப்கார்ட், அமேசான் நிறுவனங்களுக்கு போட்டியாக ஈகாமர்ஸ் துறையில் பெரிய அளவில் வந்து கொண்டிருக்கிறது என்பது குறிப்பிடதக்கது.
கோடிக்கணக்கானவர்களின் கையில் மொபைல் இருப்பதால், உங்களிடம் நல்ல யோசனைகள் இருந்தால் பல லட்சங்களுக்கு ஏன் கோடிகளுக்கு நீங்களும் அதிபராகலாம்.
இந்தியாவிற்கு அடுத்தபடியாக இந்திய மக்கள் அதிகம் உள்ளது ஐக்கிய அரபு நாடுகள் தான். அங்கிருக்கும் இந்திய மக்களை குறிவைத்து எப்படி விற்பனை செய்வது என்று பலரும் ரூம் போட்டு யோசித்துக் கொண்டிருக்கும் போது, அமேசான் இந்தியா ஐக்கிய அரபு நாடுகளில் இருக்கும் இந்திய மக்களுக்கு ஆன்லைன் மூலமாகவே இந்தியாவிலிருந்து உங்கள் பொருட்களை விற்கும் வசதியை கொண்டுவந்துள்ளது. அப்படி நீங்கள் விற்கும் பொருட்கள் ஏற்றுமதி என்ற கணக்கில் எடுத்துக் கொள்ளப்படும்.
ஐக்கிய அரபு நாடுகளில் எதற்கு நல்ல வாய்ப்புகள் இருக்கிறது என்று பார்க்கும் போது தங்க ஆபரணங்கள், வைர ஆபரணங்கள், ஆடைகள், அழகு சாதனப் பொருட்கள், மளிகை சாமான்கள் ஆகியவற்றிர்க்கு நல்ல வரவேற்பு இருக்கிறது.
ஒரு முக்கியமான விஷயம் என்னவென்றால் அமேசான் யுஏஇ அங்கு முன்பு பிரபலமாக இருந்த சூக் (Souk) என்ற கம்பெனியை 2017 ஆம் வருடம் கையகப்படுத்தியுள்ளது. இதனால் பலலட்சக்கணக்கான வாடிக்கையாளர்கள் அமேசான் யூஏஇ க்கு அப்படியே மாறி இருந்தார்கள்.
வெளிநாடுகளில் வியாபாரம் மூலமாக அமேசான் இந்தியா தற்போது வருடத்திற்கு 7 ஆயிரம் கோடி ரூபாய் அளவிற்கு செய்து வருகிறது. இதை 35 ஆயிரம் கோடி ரூபாயாக கூட்டுவதற்கான முயற்சிகள் நடந்து வருகிறது.
ஐக்கிய அரபு நாடுகளில் இருக்கும் மக்களில் 4 சதவீத மக்கள் ஆன்லைன் மூலமாக வாங்குவதற்கு ஆர்வமாக இருக்கின்றனர். அங்கு 20 லட்சம் இந்தியர்கள் இருக்கிறார்கள். இது ஐக்கிய அரபு நாடுகளின் மொத்த மக்கள் தொகையில் 27 சதவீதம் ஆகும். கடந்த வருடம் ஐக்கிய அரபு நாடுகளுக்கு மட்டும் 31 பில்லியன் டாலர் அளவிற்கு, அதாவது 2 லட்சத்து 17 ஆயிரம் கோடி ரூபாய்க்கு ஏற்றுமதி நடைபெற்றிருக்கிறது.
தற்போது அமேசான் இந்தியா இந்தியாவிலிருந்து அமெரிக்கா, ஐரோப்பா, ஆஸ்திரேலியா ஆகிய நாடுகளுக்கு தங்கள் பொருட்களை விற்கலாம் என்று அனுமதி அளித்திருக்கிறது. இனி இதில் ஐக்கிய அரபு நாடுகளும் சேரும்.
இந்திய ஆடைகள் அங்கு இந்தியர்களாலும், அரபு நாட்டு மக்களாலும் விரும்பி வாங்கப் படுவதால் திருப்பூர் போன்ற ஊர்களில் இருக்கும் கம்பெனிகளுக்கு ஒரு பெரிய வாய்ப்பாக அமையும் என்பதில் சந்தேகமில்லை.
நாம் தெருவில் நடந்து செல்லும் போது அல்லது சில பொது இடங்களில் பெரிய அளவு குப்பைகள் கொட்டி இருக்கும் போது, கழிவுகள் தங்கியிருக்கும் போது, குழாயடி சண்டைகள் நடந்து கொண்டிருக்கும் போது, நம் இந்தியா இன்னும் சிறப்பாக இருக்கலாமே என்று பலருக்கு தோன்றும் . ஆனால் அந்த சிறப்பான இந்தியாவை உருவாக்க என்ன செய்ய வேண்டும் என்று நினைத்து, அதை செய்வதற்கு நேரம் பலருக்கு இருப்பதில்லை. இதனால் எந்த முன்னேற்றமும் பெரிதாக இருப்பதில்லை.
பெட்டர் இந்தியா என்ற இணையதள கம்பெனி 2015 ம் ஆண்டு ஆரம்பிக்கப்பட்டது. இதில் பல லட்சக்கணக்கானவர்கள் உறுப்பினர்களாக இருக்கிறார்கள். பலர் வெளிநாடுகளை சேர்ந்தவர்கள்.
இந்த இணையதளம் மூலமாக நாட்டின் சுற்றுப் புற சூழ்நிலையை கெடுக்காமல் தயாரிக்கப்பட்ட பொருட்களை விற்பனை செய்கிறார்கள். அது சுற்றுப்புறத்தை பாதுகாக்கும் பொருட்களாகவும் இருக்கிறது, ஆர்கானிக் பொருட்களாகவும் இருக்கிறது, கிராமப்புற கைவினைஞர்கள் தயாரிக்கும் பொருட்களாவும் இருக்கிறது. இந்தியாவில் இருக்கும் அனைத்து மாநில கைவினைஞர்களும் இந்த இணையதளத்தின் மூலம் தாங்கள் தயாரிக்கும் பொருட்களை விற்பனை செய்கிறார்கள். உதாரணம் மூங்கில் இழைகள் மூலம் தயாரிக்கப்பட்ட கால் சட்டை, கையால் நெய்யப்பட்ட துணிகள் போன்றவைகளை குறிப்பிடலாம்.
இவற்றை ஆன்லைன் மூலமாக வாங்கலாம்.
மேலும், நாட்டை முன்னேற்றுவதற்கு மக்கள் செய்யும் சிறப்பான சேவைகளையும் பதிவிடுகிறார்கள். அந்த கட்டுரைகள் பல லட்சக்கணக்கான மக்களை சென்றடைகிறது. அதன் மூலம் விழுப்புணர்வை மக்களிடையே தூண்டுகிறது.
நீங்கள் தயாரிக்கும் சுற்றுப்புற சூழ்நிலைகள் மாசு அடையாத பொருட்களையும் இவர்கள் மூலமாக விற்பனை செய்யலாம்.
இவர்கள் மூலம் நாம் பொருட்கள் வாங்கும் போது ஒரு கைவினை கலைஞரை ஊக்குவிக்கிறோம், சுற்றுப்புறத்தை மாசுபடுத்தவில்லை என்ற மனநிறைவும் நமக்கு ஏற்படுகிறது.www.thebetterindia.com என்ற இணையதளத்தில் சென்று பாருங்கள் வாங்குங்கள் பரவசமடையுங்கள்,.
ஷாப்பிங் மால்களின் முக்கிய அம்சமே விண்டோ ஷாப்பிங்தான். அதாவது மாலுக்கு போய், அங்கிருக்கும் எல்லாவற்றையும் பார்க்கலாம், வாங்க வேண்டும் என்ற கட்டாயம் இல்லை. தரம் நன்றாகவும், விலை குறைவாகவும் டிஸ்கவுண்ட் அதிகமாகவும் யார் தருகிறார்களோ அங்கு பார்த்து வாங்கலாம்.
அது போல உங்களுக்கு கடன்கள் வாங்கும் போது முன் பின் தெரியாத ஒரு வங்கியில் அல்லது நிதி நிறுவனத்திடம் போய் விழ வேண்டாம். யார் குறைவான வட்டியில் தருகிறார்கள் என்று ஒப்பிட்டு பார்த்து விட்டு வாங்க பல இணையதளங்கள் வந்து விட்டன. அதில் முக்கியமான இணைய தளங்களில் ஒன்று “மை லோன் கேர்” (myloandcare.in).
மை லோன் கேர் என்ற கம்பெனி இந்தியாவின் பெரிய ஆன்லைன் மார்க்கெட் பிளேஸ் ஆகும்.
இந்த இணையதளத்தில் உங்களுக்கு என்ன லோன் தேவை என்று கூறிவிட்டால் உங்கள் தகுதிக்கு ஏற்ப எந்த வங்கி அல்லது நிதி நிறுவனம் உங்களுக்கு ஒத்து வரும் என்று கூறி அதிலிருந்து கடன்கள் வாங்க உதவி செய்கிறார்கள்.
புது வீட்டுக் கடன், வீட்டு அடமானக் கடன், வாகனக் கடன், கோல்டு லோன், பிசினஸ் லோன், கிரிடிட் கார்டு, பர்சனல் லோன் ஆகியவைகள் வாங்குவதற்கு இந்த இணையதளம் உதவி செய்கிறது.
இவர்களிடம் 20 லட்சம் பதிவு செய்த உபயோகிப்பாளர்கள் இருக்கிறார்கள். 25 வங்கிகளிடம் பார்ட்னர் பேங்க் அரேஞ்ச்மெண்ட் வைத்துள்ளார்கள். ஆன்லைன் மூலமாகத்தான் விண்ணபிக்க வேண்டும். இவர்கள் இந்தியாவில் 1100 ஊர்களில் உங்களுக்கு கடன்கள் கிடைக்க வழி வகை செய்கிறார்கள். நீங்கள் ஆன்லைனில் அப்ளை செய்த பிறகு நீங்கள் கடன் பெறத் தகுதியானவர் என்றால் அவர்கள் கம்பெனியிலிருந்து உங்களை கூப்பிட்டு வேறு தேவையான டாக்குமெண்ட்களை கேட்பார்கள்.
இதுவரை 30,000 பேருக்கு கடன்கள் வாங்க உதவியுள்ளார்கள்.
உங்களுக்கு லோன் தேவை இருக்கும் பட்சத்தில், இவர்களின் இணையதளத்தில் சென்று உங்களின் விபரங்களை பதிவு செய்ய வேண்டும். நீங்கள் கடன் வாங்க தகுதியானவரா என்று பார்ப்பார்கள். அப்படி தகுதி உங்களுக்கு இருக்கும் பட்சத்தில் அவர்கள் பார்டனர் வங்கிகள் மூலமாக கடன் பெற்று தர ஏற்பாடு செய்வார்கள்.இவர்களுடைய இணையதளம் www.myloancare.in
